Willkommen, Gast
Benutzername: Passwort: Angemeldet bleiben:
  • Seite:
  • 1

THEMA: Schöne Ostern

Schöne Ostern 27 Mär 2018 13:03 #1

Me ka mache was me will,
im Forum blybt es aifach still!
Und doch läse vyl Lütt s' Forum,
me weiss nur nit so gnau worum.

E Kommentar, du liebe Schatz,
denn wär die Mieh au nit für d'Katz
Geschter sinn d'Gescht siebzig gsi,
doch nit emool e "bap" drby.
Was wott me aigentlich doo höre?
Ich ka jo doo nur "schriftlich schnörre"
Doch schrybt me doo gege-n-e Muur
und das isch für dr Schryber suur

Doch trotzdämm wünsch ych s'Oschterfescht
soll schön sy - au für stilli Gescht

Bitte Anmelden um der Konversation beizutreten.

Letzte Änderung: von rinifoto.

Schöne Ostern 27 Mär 2018 14:50 #2

dangg scheen !

Bitte Anmelden um der Konversation beizutreten.

Jean-Pierre

Schöne Ostern 27 Mär 2018 16:51 #3

Sibzig Gescht, das isch dr Wahn
E neue Cyper Agriff us Afganistan

Nei, mir mache Wärbig uf socialesbasel.ch
Aber wäge dämm hann i no kei Amäldig gha

Mr sin au uf aelterbasel.ch und das sit kuzer Zyt
Das bringt uns hoffentlich neyi Lyt

Wär het es Hobby und möchte uns dervo verzelle
Denn kasch bi uns e Passwort bstelle

Au ich wünsch allne Nutzer und au de stille Gescht
E wunderscheens Osterfescht


Bitte Anmelden um der Konversation beizutreten.

meine Webseite : www.rinifoto.ch/

Schöne Ostern 27 Mär 2018 17:14 #4

BRAVO Heinz!

und ich mach no eine druff, Bi au grad am Värsli brünzle.......

Bitte Anmelden um der Konversation beizutreten.

Schöne Ostern 27 Mär 2018 17:27 #5

Jetz mach ich grad no eine druff,
denn das macht mi scho lang muff:

Vo alle "Höchhere" hört me kuumm
e Mucks, ai ai, ich schtuun.
Die meine, s'Forum läbt us Luft
und vom blaue Friehligsduft!
Es längi, mitenand go z'trinke,
z'aesse, und drno z'versinke,
hundemied, wenn me zrugg kunnt
vomene Ussflug kunterbunt!

Aber Aastöss gäh, zum Schrybe?
Jä, das löhn sie lieber blybe.

Dr Bock zum Gärtner?
Dr Elefant zum Wärter?

E Vorstand, öpper wo sott pfade,
duet sich doch nur sälber schade
wenn är s'Mitglied hogge losst
wo doch ständig s'Füür aabloost!
Dass es läbig blybt im Huus!

Ich wünsch euch alle: GUETE PFUUS !

Bitte Anmelden um der Konversation beizutreten.

  • Seite:
  • 1
Powered by Kunena Forum