Willkommen, Gast
Benutzername: Passwort: Angemeldet bleiben:
  • Seite:
  • 1
  • 2

THEMA: Basler Fasnacht

Basler Fasnacht 04 Mär 2019 20:54 #16

Oh, ganz aktuell und sehr gut geschrieben. Es ist, als wäre ich dabei gewesen, bei diesem Chaisen-Desaster samt nachfolgender Reparatur und Cortège Routenfahrt. Meine Onkels hätten das sein könne, die in früheren Jahren ebenfalls mit "Ross und Wagen" an der Basler Fasnacht beschäftigt waren. Oder als Vorreiter mit einem schönen Pferd.

Bitte Anmelden um der Konversation beizutreten.

Basler Fasnacht 07 Mär 2019 08:54 #17

Au die diesjährige "Rynacher Fotos sin e Hit"
und die Tradition vo Familie OSER kenne vieli Lüt nit
Do isch jetzt emol de richtig Platz
noche z'läse ohni viel Rabbatz!
(Danke Rinifoto)

Bitte Anmelden um der Konversation beizutreten.

Letzte Änderung: von rinifoto.

Basler Fasnacht 07 Mär 2019 17:32 #18

Danke Erica freut mich wenn es dir gefällt.t.Sonja Weber.

Bitte Anmelden um der Konversation beizutreten.

Basler Fasnacht 14 Mär 2019 12:00 #19

Latärnefescht und Räpplizauber


Uf jedem Zeedel stoht
dass me zue de Latärne goht

am 12i vor em Münschter
zum gniesse all die Künschtler

Forme Farbe und der Witz
luschtig und au spitz

muesch dr Hals verrängge
und ume Egge dängge

Nur d Tuube und der Schpatz
hänn im Momänt kei Platz

sinn am verdattere
und heggtisch umenander flattere.

immene versteggte Eggli
picke sie ame Räschteweggli

Nach ere Suppe und emene Rote
hesch au wieder warmi Pfote

Denn schtichsch ab ins Gewimmel
in der Märtplatzkinderhimmel

Millione Räppli tanze
dört fliegt eine uf der R....

Telebasel Seniorbasel
alles doo das isch kei Gfasel.

sie hän jetzt gnue
wänn us de Schue
sage miedi Fiess
mit lliebe Griess.

Die Täg han ich sehr gnosse
und jetzt Färsliwärggstatt gschlosse.
























Bitte Anmelden um der Konversation beizutreten.

Letzte Änderung: von rinifoto.

Basler Fasnacht 15 Mär 2019 16:43 #20

Liebe Sonja, Herzlichen Dank für Deinen tollen, selbst gemachten, Fasnachtsvärs und die schönen Bilder. Ich war am Mittwoch am Cortège und habe Fotos und Zeedel gesammelt:



Olympia, du falschi Schlange!
Olympia Stamm 2019

Y gib zue, y ghör zum alte Schlaag
Liis d Zytig no, vo Daag zu Daag
Mänggmol dunggts mi scho verruggt
Wie dr Mensch ufd Syte duuredruggt

Uf Syte zwai isch d Wüsseschaft
S wird bildhaft zaigt, was d Forschig rafft
Es sig e glaini Sensation
e neui Pille-Produktion
us dr Basler Pharmastadt
Das findet jetzt e jede glatt
Si flutscht abe, syydefyyn
Die Tablette haisst Moralin
Im Usland holt me so dr Stutz
und Rot-Grien haut do ufe Putz

E Syte wytr, goots ums Raise
Wie d Mensche um e Ärdball kreise
So färn, färner nur d Gedangge
s Klima könnti dodra grangge
wie jede in e Flieger sitzt
und liebr naime anderscht schwitzt
Isch do Summer, suecht me s Meer
Isch do Winter - no vyl mehr
Die Wiidersprüch sin mir bald z dumm
Y blättere drum nomol um

Es ruhn' die Basler Lädeli
Mir lade Sii ufs Hörnli yy
D Abdankig fänd, stoot do im Blatt
Im ängschte Kreis drum numme statt
well uns bim Garderoobe-Shoppe
d Schwoobe in de Pryyse toppe.
Basel stirbt, s könn nüm lang go
stoot näb dr Wärbig vo Zalando.

Im Wirtschaftsdail hets granggi Kasse
wo us Mensche Klasse - und denn Kasse mache
Bläche will niemer, das isch glaar
abr goots um ain sälbr, sonderbaar:
Denn will me plötzlig d Huft vergolde
und neui Kneui - wär duets besolde?
Jede holt sich, was är kaa
Gottlob zaalt d Allgemainhait draa

Es folgt uf Grieg, Vrbräche, Mord
Dr wichtigscht Dail: Es isch dr Sport
Vom Maischter wärde sig me satt
d Barfi-Fyyre lang nüm glatt
Dr FCB machts allne rächt
spiilt zwai Saisons äxtra schlächt
Nur: S wird pfiffe, und nit gjoolt
wenn Bärn am Änd dr Titel holt

Resigniert leg ich das Blatt ewägg
D Druggerschwärzi trieft vor Drägg
E sone Bligg in d Zytig zaigt
as es mehr als ai Moral vertrait
E sone Bligg in d Zytig zaigt
as sich mehr als ai Moral verdrait.

Für uns als Sujetkommission
ischs e willkommni Situation
Letscht Joor e Blaggedde kreiert
näbem Cortège flaniert und ungeniert
zündet und mit Räppli gschmisse
Ufs Comité do hän mir vrzichtet

Das Joor, als wär alles guet
griesse mr die Lüt mit Huet
Mir laufe drum als falschi Schlange
dien nit zletscht au uns aaprange
Bis in Olymp gilt allemal:
Doppelmoral? Scheissegal!

Und blooge Di no Gwüssensbiss
Es juckt und brennt und hesch dr Schiss
Griff au Du zu Moralin!
Das wirkt, und zwor nit nur zum Schyyn
as sich Wirkligkait mit Haltig kopplet
Empfiil-y: Nimm die Pille dopplet!



Jute statt Blasdigg
Runzlrebieger 2019

Jute statt Blasdigg so hett s friener ghaisse,
settsch nit alles in Abfall schmaisse
Settsch s rysaiggle oder wider verwäände
und doo drmit kaini Ressource verschwäände.
Vierzig Joor speeter isch dä Spruch immer no woor,
unserer Umwält droot vom vyyle Blasdigg e groossi Gfoor
Blasdigg isch braggtisch, hett Sinn und Zwägg
aaber als Abfall bringsch en Joorhunderti nimm ewägg.

Alli myny Fläschli schwimme uff em See,
schwimme uff em See,
d Keepfli uss em Wasser, dr Räschte kaasch nit gsee.

In Aasie gheie sy alles hinters Huus
wie s deert denn dryylueggt, isch e Gruus.
Wenn s denn räägnet, spielts dä Drägg
aifach in näggschte Bach ewägg
So goot s wyter in groosse Fluss,
deert hett s scho Blasdigg im liberdruss,
z letscht emänd landet alles im Meer
und Mentsch und Dier lyyde drunter schweer
Wettsch an sonere Beach go baade
muesch bis zue de Gnei dur Blastigg waate.
D Fisch, die schlugge dr Blastigg aabe
und hänn denn derfiir e gfillte Maage.
Kaasch butze und räche solang de kaasch stoo,
am näggschte Moorge isch alles wider doo.

Alli myny Blastiggseggli schwimme uff em See,
schwimme uff em See,
zerfalle in glaini Daili, denn frisst si e Hai in dr See.

Jetz mainsch mr mache s besser in unserem Land,
vergiss es, d Schwyz bruucht Blastigg, es isch e Schand.
Europa, China und Afrikaa
verbiete Blastigg, die sinn voll draa.
Aaber bi uns wird alles was goot yyghillt
und mit däm Blastigg dr Mischtkiibel gfillt.
Eb Glepfer, Dommaate oder au Weggli,
alles hett e aiges Blastiggseggli.
Rysaiggled wäärde numme d Fläsche
und nit die vyyle Blastiggdäsche.
Dr Blastigg wird bi uns nit drennt,
sondern numme im Mischt verbrennt.

Alli myny Blastigg ghei ych in Müll dehai,
ghei ych in Müll dehai,
s goot alles in d Verbrennig und in d Luft goots CO zwai.

Wenn mr in Zuekunft Wattestääbli verbiete wäärde,
ganz eerlig, ych glaub nit das rettet d Äärde.
S isch fast alles uss Blastigg, dasch aifach doo,
im Zaanbiirschtli, Häändy und Piccoloo.
De kaasch nit alles mit Bio uuswäggsle
und nach Gebruuch in Komboscht häggsle.
Aaber wenn jeede Jute statt Blastigg wurd nää,
nit jeedem Riebli oder Epfel e Giggli gää,
wenn de wider Glaas, Bapyyr bruuchsch oder Holz,
alles rysaigglisch mit vollem Stolz,
wenn statt Fläsche schlebbe, s Wasser spruudlisch dehai,
alles meerfach bruuchsch, s wäär e Droopfe uff e haisse Stai.
Mir Runzlebiegerfischli hätte s denn besser
Bim Schwimme und Dauche in unsere Gwässer.

Alli myny Jutesäggli schwimme uff em See,
schwimme uff em See,
verfuule und zerfalle aifach, denn kaasch si nimme gsee.

meine Webseite : www.rinifoto.ch/

Bitte Anmelden um der Konversation beizutreten.

Letzte Änderung: von rinifoto.

Basler Fasnacht 11 Apr 2019 12:16 #21

Fasnacht schon vorbei?

Gerade habe ich wieder ein Video von Hans-Peter Zürcher, wohnhaft in Basel, auf youtube gefunden. Seine poetischen Werke schaue ich mir sehr gerne an.

Bitte Anmelden um der Konversation beizutreten.

Letzte Änderung: von carmen.

Basler Fasnacht 11 Apr 2019 12:58 #22

Hans-Peter Zürcher ist ein sehr guter Fotograf und Filmemacher.
Fast wie ein Querschnitt vom Schweizer Fernsehen.
Danke

Bitte Anmelden um der Konversation beizutreten.

  • Seite:
  • 1
  • 2
Powered by Kunena Forum